Naniniwala ang beteranang kolumnista na si Cristy Fermin na hindi mahihigitan ng It's Showtime ang E.A.T. Bulaga kahit ano pa ang gawin nitong istratehiya.
Sa kanyang programang "Showbiz Now Na!," pinag-usapan ang paglipat ng It's Showtime sa GMA Channel 7.
Ayon sa kanila, mali daw na ang maging goal ng (GMA) network na mahigitan ang kakompitensya.
Naniniwala rin sila na dapat daw matuto ang host ng It's Showtime na maging humble.
"Sana maging leksyon na 'to noong dating nasa sarili silang network niya, kung paano niya pagsabihan ng kung anu-ano 'yung Eat Bulaga, dapat ngayon magbago na sila ng istratehiya," sabi ng co-host ni Cristy na si Rommel Chika.
"Kahit anong gawin ng It's Showtime, hindi niyo na kayang pataubin pa ang wala nang dapat patunayan," dagdag pa ni Cristy.
Samantala, panahon na lang daw ang magsasabi kung mahihigitan nga ng It's Showtime ang E.A.T. Bulaga.
Comments
Post a Comment